"गुरु ब्रह्मा, गुरु विष्णु गुरु देवो महेश्वर,
गुरु साक्षात् परमं ब्रह्मा तस्मै श्री गुरुवे नम:"
अर्थात्,
"गुरु नै ब्रह्मा हुन्, गुरु नै विष्णु हुन अनि गुरु भनेकै भगवान शंकर हुन्,
गुरु नै हुन् साक्षात परब्रह्म, यस्ता गुरुलाई म नमस्कार गर्दछु ।"
पुजनिय बाबा आमा,
गुरु पूर्णिमाको अवसरमा मलाई अक्षर सिकाउनु हुने प्रथम गुरू मेरो बुबाआमा, बाल्यकाल देखि आजसम्मका सबै गुरु गुरूआमाहरु प्रति विशेष सम्मान र श्रद्धा व्यक्त गर्दछु। जीवनका हरेक मोडहरूमा हरेक क्षेत्रमा प्रेरणा, प्रभाव र शिक्षक बनेर केहीनकेही सिकाउनुहुने मेरा सबै आदरणीय गुरुजनमा र मेरो गुरुबा, शितलताको छहारी रुद्र पौडेल मा हार्दिक हार्दिक आभार ब्यक्तगर्दै सम्पूर्ण गुरुहरूलाई गुरु पुर्णिमाको सप्रेम नमन् र हार्दिक शुभकामना दिन चाहन्छु ।
पुजनिय गुरु हजुरले दिएको ज्ञान र मेरो जीवनसंग गाँसिएको सम्बन्ध एकदमै गहिरो रहिआएको छ । चाहे म जुनसुकै धर्म या सम्प्रदायको भएपनि ज्ञान र सिप ग्रहणगर्नका लागी गुरु र गुरुतत्वको ठूलो महत्व छ र संसारमा शायद ज्ञान मात्र यस्तो कुरा हो जसलाई जति बाँड्यो उत्ति बढ्दै जान्छ ।
चाहे मुस्लिमहरूको मदर्सामा मलाई पढाएका मोल्वी साब हुन् या चर्चमा ज्ञान र सल्लाह दिने पादरी या साना साना हातमा कलम राखेर क ख रा पढाउने र सिकाउने शिक्षक, शिक्षिकाहरू किन नहुन् हजुरहरुले सिकाएका र दिएका ज्ञानले नै मैले जीवनको प्रारम्भिक विवेक र चेतना प्राप्त गरेको हुँ।
स्कुल मा पढाउदा होस् या बाटोमा भेट्दा जुनसुकै समयमा पनि मलाई माया, ममता, हौसला, स्नेह र प्रेरणा दिनुभयो, मैंले गरेका प्रश्नहरुको उत्तर दिनुभयो। कहिलेकाहीँ गल्ति गरे, नराम्रो बोले तर पनि मलाई हैन मेरो बानिलाई पिट्नु भयो, धेरै कुराहरु पालना गरि नियम र अधिनमा चल्न सिकाउनुभयो।
सर मैले किन राम्ररि पढ्न जान्दिन भनेर सोध्दा, हेर त उ त्यो चन्द्रमा मा किन दाग छ तिमीलाई थाहा छ ? नाई सर थाहा छैन। किनकि त्यो चन्द्रमा अहिले अपुरो उदाएको छ, जब त्यो पुरा उदाउछ तब त्यो दाग हराउँछ हो तिमी पनि अहिले त्यस्तै अर्धकाचो छौ जब तिमि आलि ठूलो हुन्छौ तब तिमीले पनि पढ्न जान्ने छौ।
यस्ता कयौ उदाहरण दिदै धेरै सहज रुपमा हरेक कुरा बुझाउनुभयो
आज आलिकति बाबुआमाको झगडाले घरमा नराम्रो असर पार्यो, दु:ख पर्यो भनेर मैले आशु झार्दा,
हैट लाटा “सुख त आति हे जाति हे, दु:ख त हामरा साथि हे” भन्दै सम्झाउनु हुन्थ्यो।
फ्रेस मोड बनाएर रोमान्टिक रुपमा पढाउनको लागि
अर्घौ चोकाको गर्मिले सताउला अनि माया चौतारिमा बसौला ।।
तिमी पनि उस्तै म पनि उस्तै जाउ हिड भैरहवा, खोज्न आउछन् तिम्रा दाई हाम्रा बा ।।
आफ्नै हात, जगन्नाथ
जस्ता धेरै उखान टुक्का, गित, गजल आदि गाएर सुनाएर पढाउने बानिले म पनि केहि हदसम्म टाठो बाठो बन्न सके जस्तो लाग्छ।
जो कोहि ले पनि काहा पढेको होस् भनेर सोध्दा लक्ष्मी माध्यमिक विद्यालय अर्घौमा पढेको छु मलाई फलानो फलानो गुरुहरुले पढाएका हुन् भनेर भन्दा पनि गर्व लाग्छ, शान बढ्छ, मान बढ्छ, ईज्जत, गौरब र प्रतिष्ठा बढ्छ यहि नै मेरो सबैभन्दा ठूलो कुरा हो गुरु गुरुआमा। नविन माध्यमिक विद्यालय का मेरो गुरु गुरुआमा, मेरो कविता र गजल नसुनि आफ्नो पाठ सुरु नगर्ने मेरो ठुलो फ्यान मेरो गुरु, म बिना कक्षा रमाईलो नमान्ने मेरो गुरुआमा सम्पुर्ण लाई चिन्न, जान्न र बुझ्न पाउँदा मलाई असाध्यै गर्व लाग्छ। साथै पिएन क्याम्पस मा मलाई पठाउने गुरुहरुको पनि धेरै साथ र सहयोग छ।
अझै पनि म हजुरहरुकै माया, ममता, हौसला र प्रेरणा चाहन्छु, हरेक जटिल कुरामा हजुरको जवाफ चाहन्छु, कुनै नयाँ काम गर्दा हजुरकै निर्णय चाहन्छु, गल्ति गरेमा हजुरबाटै सजाय चाहन्छु, हजुरको दु:खमा संगै रुन र खुसिमा संगै हास्न चाहन्छु । तर यति विश्वास गर्नु गुरु गुरुआमा हजुरको इज्जतमा आच आउने र हजुरको शिर झुकाउने काम यो सौरब बाट कदापि हुने छैन्।
एकफेर मैंले सोचे, मलाई जिन्दगीले कति धेरै कुराहरु सिकाएको छ । जस्तै म सहि र गलतमा फरक छुट्याउन सक्छु, वास्तविक र कृतिम कुरा र भावनाको चाल पाउन सक्छु, मैले कुनै बखत सहि कुरा र पथ छाने या छानिन भनेपनि मैले आफ्ना पाइलाहरु कतातिर जाँदैछ भनेर अरुकसैलाई सोध्नै पर्दैन, हृदयको स्पन्दनले आफै मैले चालेका पाइला र तिनका सारतत्वको बयान दिन्छ । गलत पाइला चाल्दा मनभित्रबाटै एउटा गुरुतत्वले आवाज निकाल्छ, नाँई! त्यसो नगर त्यो गलत हो भनेर तर त्यो आवाज मैले पालना गरेकै हुन्छु किनकि मैले गुरुहरुबाट असल शिक्षा पाएको छु। यस अर्थमा मेरो भित्रपनि एउटा गुरुतत्व रहेको छ र सत्यलाई आत्मसाथ गर्नसके म भित्र गुरुतत्व सदैव उपस्थित रहिरहन्छ।
अज्ञानता र अचेतनाको अँध्यारोबाट ज्ञान र चेतनाको उज्यालोमा ल्याउने, सही मार्ग प्रदर्शन गर्ने समस्त गुरुहरुलाई आजको दिन कोटी कोटी नमन गर्दछु। गुरु मार्फत् प्राप्त गरेको ज्ञान र विवेकले आफ्नो जीवनमा पारेको प्रभावप्रति आभार ब्यक्त गर्दै आगामि दिनमा पनि म ज्ञानको पथमा सधैं अगाडी बढ्दै जाने प्रतिज्ञा र अठोट गर्दछु।
अन्त्यमा अझै पनि म हजुरहरुकै माया, ममता, हौसला र प्रेरणा चाहन्छु, हरेक जटिल कुरामा हजुरको जवाफ चाहन्छु, कुनै नयाँ काम गर्दा हजुरकै निर्णय चाहन्छु, गल्ति गरेमा हजुरबाटै सजाय चाहन्छु, हजुरको दु:खमा संगै रुन र खुसिमा संगै हास्न चाहन्छु । तर यति विश्वास गर्नु गुरु गुरुआमा हजुरको इज्जतमा आच आउने र हजुरको शिर झुकाउने काम यो सौरब बाट कदापि हुने छैन्। हे भगवान ! मलाई सदैव सत्यतालाई आत्मसाथ गर्न देऊ, मलाई अज्ञानताको अँध्यारोमा नराख, सदैव ज्ञान र चेतनाको उज्यालो देऊ, त्यस तर्फको मार्ग देखाऊ र मलाई यस्तो ज्ञान देउ कि म यो भौतिक संसार र मृत्युको भयभन्दा पर ज्ञानको उज्यालोमा अमर रहन सकूँ ।" भनि समस्त गुरुहरुसँग आशिर्वाद मागि
चेलालाई चिनी बनाउने गुरु । ति गुरुहरु अमर रहनु।
गुरुलाई गु बनाउने चेला । ति चेलाहरु चिरायी बनुन।
भन्दै असल गुरु र असल शिष्य दुबै बन्न सक्नुहोला,
गुरु पुर्णिमाको हार्दिक मगंलमय शुभकामना।
यो संसारमा शान्ति होस्, आदिदैविक शान्ति होस्, आदिभौतिक शान्ति होस् र अध्यात्मिक शान्ति होस् ।
सदा गुरुहरुकै आज्ञाकारी र मेहेनति बिद्यार्थी
सौरब ढुङ्गाना
पोखरा महानगरपालिका-२६, बुढिबजार, कास्कि।
